นอกุสลํ นอทุกฺขมสุขาย เวทนาย สมฺปยุตฺตญฺจ นอพฺยากตํ นอทุกฺขมสุขาย เวทนาย สมฺปยุตฺตญฺจ ธมฺมํ ปฏิจฺจ กุสโล อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ เอกํฯ

นกุสลํ นอทุกฺขมสุขาย เวทนาย สมฺปยุตฺตญฺจ นอกุสลํ นอทุกฺขมสุขาย เวทนาย สมฺปยุตฺตญฺจ ธมฺมํ ปฏิจฺจ อพฺยากโต อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ เอกํฯ เหตุยา นวฯ

1-2. กุสลตฺติก-วิปากตฺติกํ

[4] นกุสลํ นวิปากํ ธมฺมํ ปฏิจฺจ อพฺยากโต วิปาโก ธมฺโม อุปฺปชฺชติ เหตุปจฺจยาฯ เอกํฯ

นอกุสลํ นวิปากํ ธมฺมํ ปฏิจฺจ อพฺยากโต วิปาโก ธมฺโม อุปฺปชฺชติ เหตุปจฺจยาฯ เอกํฯ

นกุสลํ นวิปากญฺจ นอกุสลํ นวิปากญฺจ ธมฺมํ ปฏิจฺจ อพฺยากโต วิปาโก ธมฺโม อุปฺปชฺชติ เหตุปจฺจยาฯ เอกํฯ เหตุยา ตีณิฯ

[5] นกุสลํ นวิปากธมฺมธมฺมํ ปจฺจยา กุสโล วิปากธมฺมธมฺโม อุปฺปชฺชติ เหตุปจฺจยาฯ นกุสลํ นวิปากธมฺมธมฺมํ ปจฺจยา อกุสโล วิปากธมฺมธมฺโม อุปฺปชฺชติ เหตุปจฺจยาฯ ทฺเวฯ

นอกุสลํ นวิปากธมฺมธมฺมํ ปจฺจยา อกุสโล วิปากธมฺมธมฺโม อุปฺปชฺชติ เหตุปจฺจยา… ทฺเวฯ

นกุสลํ นวิปากธมฺมธมฺมญฺจ นอกุสลํ นวิปากธมฺมธมฺมญฺจ ธมฺมํ ปจฺจยา กุสโล วิปากธมฺมธมฺโม อุปฺปชฺชติ เหตุปจฺจยา… ทฺเวฯ (สํขิตฺตํฯ) เหตุยา ฉ ปญฺหาฯ

[6] นกุสลํ นเนววิปากนวิปากธมฺมธมฺมํ ปฏิจฺจ อพฺยากโต เนววิปากนวิปากธมฺมธมฺโม อุปฺปชฺชติ เหตุปจฺจยา… เหตุยา ฉฯ

1-3. กุสลตฺติก-อุปาทินฺนตฺติกํ

[7] นกุสโล นอุปาทินฺนุปาทานิโย ธมฺโม อพฺยากตสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ฉ ปญฺหาฯ

นกุสลํ นอนุปาทินฺนุปาทานิยํ ธมฺมํ ปฏิจฺจ อพฺยากโต อนุปาทินฺนุปาทานิโย ธมฺโม อุปฺปชฺชติ เหตุปจฺจยา… เหตุยา ปญฺจฯ

นกุสลํ นอนุปาทินฺนอนุปาทานิยํ ธมฺมํ ปจฺจยา กุสโล อนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… เหตุยา ฉฯ

1-4. กุสลตฺติก-สํกิลิฏฺฐตฺติกํ

[8] นกุสลํ นสํกิลิฏฺฐสํกิเลสิกํ ธมฺมํ ปจฺจยา อกุสโล สํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา…ฯ (อกุสลาเนว ตีณิฯ)

นกุสลํ นอสํกิลิฏฺฐสํกิเลสิกํ ธมฺมํ ปฏิจฺจ อพฺยากโต อสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา… เหตุยา ฉฯ

นกุสลํ นอสํกิลิฏฺฐอสํกิเลสิกํ ธมฺมํ ปจฺจยา กุสโล อสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา… เหตุยา ฉฯ

1-5. กุสลตฺติก-วิตกฺกตฺติกํ

[9] นกุสลํ นสวิตกฺกสวิจารํ ธมฺมํ ปฏิจฺจ อกุสโล สวิตกฺกสวิจาโร ธมฺโม อุปฺปชฺชติ เหตุปจฺจยา… เหตุยา นวฯ

นกุสลํ นอวิตกฺกวิจารมตฺตํ ธมฺมํ ปฏิจฺจ อกุสโล อวิตกฺกวิจารมตฺโต ธมฺโม อุปฺปชฺชติ เหตุปจฺจยา… เหตุยา นวฯ

นกุสลํ นอวิตกฺกอวิจารํ ธมฺมํ ปฏิจฺจ อพฺยากโต อวิตกฺกอวิจาโร ธมฺโม อุปฺปชฺชติ เหตุปจฺจยา… เหตุยา ทฺวาทสฯ

1-6. กุสลตฺติก-ปีติตฺติกํ

[10] นกุสลํ นปีติสหคตํ ธมฺมํ ปฏิจฺจ อกุสโล ปีติสหคโต ธมฺโม อุปฺปชฺชติ เหตุปจฺจยา… เหตุยา นวฯ

นกุสลํ นสุขสหคตํ ธมฺมํ ปฏิจฺจ อกุสโล สุขสหคโต ธมฺโม อุปฺปชฺชติ เหตุปจฺจยา… เหตุยา นวฯ

นกุสลํ นอุเปกฺขาสหคตํ ธมฺมํ ปฏิจฺจ อกุสโล อุเปกฺขาสหคโต ธมฺโม อุปฺปชฺชติ เหตุปจฺจยา… เหตุยา นวฯ

1-7. กุสลตฺติก-ทสฺสนตฺติกํ